«BERRIA komunikazio eskola» ikastaroa egingo da datorren ekainaren 15ean, ostirala, UPV/EHUren udako ikastaroen baitan. Egun osoko egitaraua prestatu dute, hiru xede argirekin: euskarazko kazetaritzaren beharraz kontzientziatzea, BERRIAren kazetaritza lan moldeak erakustea eta zabaltzea; eta, azkenik, BERRIA publiko zabalari irekitzea eta irakurleei kazetaritzaren gakoak eskaintzea.
Izan ere, 2018an, BERRIA Komunikazio Taldeak XV. urteurrena ospatuko du. Hamabost urte ez dira asko herri baten bizitzan, baina euskal prentsarentzat ez dira hutsalak izan. BERRIA ez da hamabost urteko egunkaria, Euskaldunon Egunkariaren oinordekoa hartuta sortu baitzen, eta haren esperientziaren eta aurreko euskal hedabideen lekukoa hartuta abiatu.
Horrenbetsez, aukera ezin hobea da 2018ko Udako Ikastaroetako plaza BERRIAren lantaldeak urteotan metatu duen eskarmentu handia, eta bere kazetaritza moldearen gakoak partekatzeko eta erakusteko. BERRIA Kazetaritza Eskolan, eguneroko jardunari lotutako gaien inguruko hausnarketa eta jarduera praktikoak eskainiko dira. Eman izena www.uik.eus webgunean.
Egitaraua
Dokumentazio banaketa
“Ongi etorria”
- Beatriz Zabalondo Loidi EHU / BERRIA – EHU irakaslea / lehendakaria
“Informazioaren eta Komunikazioaren beharraz eta indarraz, garai berriotan”
- Martxelo Otamendi Egiguren BERRIA Taldea – Egunkariko zuzendaria
“Komunikazioa eta komunitatea”
- Iban Arregi Epelde BERRIA Taldea – Kontseilari ordezkaria
- Ainara Lasa Perez BERRIA Taldea – Marketin arduraduna
Geldiunea
“Estilo liburua: Gure erreferentziak egunerokoan”
- Beatriz Zabalondo Loidi EHU / BERRIA Taldea – Irakaslea / Lehendakaria
- Irene Arrarats Lizeaga BERRIA Taldea – Euskara Taldearen burua. Estilo Liburuaren arduraduna
Mahai ingurua: “Komunikazioa eta emakumeak: hegemonia kontuak erredakzioetan”
- Kattalin Miner Perez Idazlea, sortzailea (Moderatzailea)
- Maialen Berasategi Catalán BERRIA Taldea – Euskara Taldeko zuzentzailea, itzultzailea
- June Fernández Casete Pikara Magazine – Kazetaria
- Elixabete Garmendia Lasa Hainbat medio – Kazetaria
- Maite Asensio Lozano BERRIA – Kazetaria
